關於古天樂先生，無話可說，因為他實在是有型到無話可說。
讚美過古先生的文字數之不盡，對自己的家人、對身邊的朋友、對香港的電影同業、滴滴點點事蹟，不能盡錄。
有需要的事必做，沒有需要的話不說；聲夢就唔講喇，完，美。
很多人都是古生的粉絲，包括我的表姐。年紀不少了，依然未婚，因為她還沒有遇到一個像古生一樣的男人。
「表弟，陪我睇樓！」
你想買邊度？
「馬鞍山。」
寶馬山搬去馬鞍山？返工咪好遠？
「I don’t care，我要同古仔做鄰居。」
鄰居？古天樂搬咗去馬鞍山咩？
「你咁 out 㗎，馬鞍山迎海呀！」
迎海？馬鞍山？古天樂？
用以上三個關鍵詞網上搜尋，果然出了很多古天樂搬去迎海的新聞。一家、兩家、三家，很多家傳媒都大字標題，說古天樂搬了去迎海。
作新聞還作新聞，都唔好作到咁離譜，係咪收咗發展商錢？
堂堂一個影壇大亨，身家數以十億計，竟然會搬去馬鞍山，唔好傻啦。我個客住古生附近，日日都見到佢，噚晚先見完。
「吓？咁點算呀……」
請你睇《媽媽的神奇小子》，唔使唔開心。
唔使一定做佢鄰居，睇佢出心出力投資嘅每一部作品，更加能感受到古天樂的溫度。
Search